-The Finale-
記得10年前喺澳洲讀書，除咗半工讀幫人補習、教人寫Assignment之外，我仲係一個Event Organiser。當時身處墨爾本，華人或者海外留學生都好多，我哋留學生嘅生活真係好無聊，除咗讀書返Part-time之外就係去蒲，唱K落Club，當時自己同幾個夥伴一齊搞一間娛樂公司，包咗一間夜店搞Weekly Event，真係每星期四至六夜夜笙歌，蒲到天昏地暗第二朝早起身返工、返學。搞Weekly Event幾乎每一晚都見到唔同嘅人，同唔同嘅人打交道，佢哋有啲想賣醉、有啲想搵樂趣、有啲想反叛咁樣求其搵人失身，真係一晚可以見盡人生百態，可能我做獵頭嘅觀人於微技巧就係細細個開始養成，當然口花花都係嗰陣時開始練成。我同夥伴隔一段時間就會搞一啲活動，如果反應好嘅話就會搞多一次Encore，邀請一啲比較好嘅DJ響一個大型小小嘅場地娛樂大眾。如果真係反應再好又爆場嘅話，我哋就會包一個可以容納千幾人嘅場地，喺東南亞或者歐洲請一啲超級知名嘅DJ做一次Finale，個賣點係更大、更勁、更正，係一個XXL Event。
估唔到久保Meet ...
See More
Search